Үстірт мемлекеттік табиғи қорығының мұражайы - өлкенің табиғи байлығы мен биологиялық алуан түрлілігін танытатын ерекше орын. Мұражайда Үстірт аймағына тән жануарлар мен өсімдіктер дүниесі, сирек кездесетін және қорғауға алынған түрлер, сондай-ақ қорықтың құрылу тарихы туралы құнды мәліметтер ұсынылған. Әрбір экспонат - табиғатты аялау, сақтап қалу және болашақ ұрпаққа аманат ету идеясының көрінісі. Бұл мұражай табиғатты тануға, экологиялық сана қалыптастыруға және туған жерге деген сүйіспеншілікті арттыруға үлкен үлес қосады.
16 қаңтар 2026 жыл Қарақия ауданы Құланды ауылының “Әлия” балабақшасының тәрбиеленушілері мен тәрбиешілері Үстірт мемлекеттік табиғи қорығы ғимаратында орналасқан “Табиғат және өлкетану” мұражайын тамашалауға келді.
2025 жыл 9желтоқсан Үстірт мемлекеттік табиғи қорығына “Ақжайық” мемлекеттік табиғи резерватынан орнитолог Бофонов Илья және экологиялық ағарту маманы Маева Мирамгүл ғылыми жұмысты тиімді атқару, заманауи әдістер мен құралдарды далалық жұмыстарда пайдалануды жетілдіру мақсатында тәжірибе алмасуға келді.
Кеңсе ғимаратында 2004 жылы табиғат және өлкетану мұражайлары ашылып, жұмыс жасауда. Мұражай экспозициясында омыртқалы жануарлардың 28 экспонаты (оның ішінде 9-ы Қазақстанның Қызыл кітабына енгізілген), өсімдіктер гербарийлері, палеонтологиялық экспонаттар мен минералдар топтамасы: 40-100 млн. жыл бұрынғы Тетис мұхитында мекендеген теңіз шаяндарының, моллюскілердің қабықшалары, акуланың тістері қойылған.
Мұражайдың этнографиялық залында ата-бабаларымыздың күнделікті тұрмыста қолданылған бұйымдары қойылған. Мұражайда барлығы 110 экспонат қойылған және барлығының айқындамасы бар.
