«18 - мамыр - Мұражай күні» ашық есік күні мерекесі аталып өтеді. Осы мерекеге орай 19 мамыр күні Үстірт мемлекеттік табиғи қорығының ғимаратында орналасқан «Табиғат және өлкетану» мұражайында ашық есік күні ұйымдастырылды. Шараға қала тұрғындары, қонақтары мен мектеп оқушылары қатысты. №19 ЖББМ 3 «Ә» сынып оқушылыры мен сынып жетекшісі Жамалова Айнабат Орынбайқызы сыныбымен келіп, мұражайға қойылған тұлыптар мен көне жәдігерлерді көзбен көріп тамашалады.
Мұражай - жәдігерлер мекені, тұнып тұрған тарих. Туған жердің тарихына, тыныс тіршілігіне, өткен-кеткеніне қызығатын азаматтар мен азаматшалар Жаңа Қазақстанның іргесін мықтап қалайтынына сенімім мол, себебі мұражай - ұлтымыздың бұрынғысы мен бүгінгісін, болашақ игі мұраттарын сабақтастыратын баға жетпес қазына.
