2026 жылғы 5 маусым күні Дүниежүзілік қоршаған ортаны қорғау күніне орай Үстірт мемлекеттік табиғи қорығының ұйымдастыруымен Атамұра мәдениет үйінде «Парктер шеруі – 2026» халықаралық табиғат қорғау акциясының салтанатты жабылу рәсімі өтті.
Іс-шараның мақсаты – қоршаған ортаны қорғау, табиғатты аялау, биологиялық әртүрлілікті сақтау және жас ұрпақтың экологиялық мәдениетін қалыптастыруға үлес қосу.
Салтанатты шара барысында табиғатты қорғау бағытында белсенділік танытып, акция аясында ұйымдастырылған түрлі байқаулар мен іс-шараларға қатысқан оқушылар, ұстаздар және мекеме қызметкерлері арнайы марапатталып, алғыс хаттар мен сыйлықтарға ие болды.
«Парктер шеруі – 2026» акциясы қоршаған ортаны қорғау ісіне қоғам назарын аударып, табиғатқа деген жауапкершілік пен жанашырлықты арттыруға бағытталған маңызды экологиялық шаралардың бірі болды.
Табиғатты қорғау – баршамыздың ортақ міндетіміз!
