Үстірт мемлекеттік табиғи қорығының экологиялық ағарту және туризм бөлімінің ұйымдастыруымен 2026 жылдың 23-інші қазанында “Мұрагер” аула клубының оқушыларына “Таза Қазақстан” экологиялық акциясы аясында Республика күніне орай «Туған жер табиғаты – ортақ байлығымыз» тақырыбында ашық экологиялық сабақ өткізілді. Ашық экологиялық сабақтың мақсаты:
Оқушыларға туған жердің көрікті жерлерімен, байлықтарымен таныстыру, білімдерін кеңейту. Өзінің туып өскен жеріне, еліне, Отанға Қазақстан Республикасына деген сүйіспеншілігін арттыру. Табиғатты сүюге, аялауға, қорғауға, экологиялық мәдениеттілікке тәрбиелеу.Оқушылар Шерқала, Бозжыра атауларымен екі топқа бөлінді. I-кезеңінде Сабағымызды Мұзафар Әлімбаевтың өлең-жолдарымен бастап. Осы өлеңнің негізгі ой-түйіні қайда жатыр? Табиғат пен адам бір тұтас па?Табиғат адамнан не күтеді?
Табиғат қорғаушысы кім?
Табиғатты біз кімнен қорғаймыз?
Міне осы сұрақтармен оқушылар өз ойлары мен пікірлерін ашық айтты.
II-кезеңінде “Туған жер табиғатты - ортақ байлығымыз” атты тақырыппен Үстірт қорығының тыныс-тіршілігі таныстырылды.
III-кезеңінде Әр топ табиғат жайлы сурет салды.IV-кезеңінде Ақпараттық блок
V-кезеңінде Экологиялық рейд
Экологиялық ашық сабақ осы 5 кезеңмен орындалды.Сабақ соңында оқушылар табиғаттың атынан оқушыларға, экологтарға, балықшыларға хат жолдады.
Табиғат - біздің ортақ мұрамыз. Сондықтан табиғатты сақтау- әр адамның міндеті.Бүгінгі таңдағы іс-әрекетіміз ертеңгі ұрпақтың тағдырын шешеді.
