«Таза Қазақстан» акциясы

«Таза Қазақстан» акциясы еліміздің барлық аймағында өткізіліп жатқан жалпыұлттық экологиялық акция. Акцияны өткізудің басты мақсаты-қоршаған ортаны қорғау, сақтау, экологиялық мәдениетті қалыптастыру.
17 қаңтар 2024 жылы акция аясында Үстірт мемлекеттік табиғи қорығының ғимаратында «№13 Дарын мектеп-лицейінің» 8 «ә» сынып оқушыларының, БАҚ өкілдерінің, қорық қызметкерлерінің қатысуымен 200 арнайы құтыларға «гледичия трехколючковая», «катальпа прекрасная», «клен ясенелистный» ағаштарының тұқымдары отырғызылды. Ағаш тұқымдары Маңғыстау облыстық эксперименталдық ботаникалық бағынан әкелінді. Отырғызылған ағаш түрлері жергілікті климаттық жағдайларға бейімделген түрлер. Өсіп шыққан өскіндерді қала көлемінде отырғызу жоспарлануда. Мектеп оқушылары табиғатқа қамқорлық жасаудың тәжірибесін жасап көріп, ормандарды сақтау және көбейту саласына өз үлестерін қосты.