Фототұзақ – жан-жануарларға зиян келтірмей, олардың табиғи тіршілігін бақылауға мүмкіндік беретін заманауи құрылғы. Ол қозғалыс пен инфрақызыл сенсор арқылы іске қосылып, жануарлардың күндізгі және түнгі белсенділігін тіркейді. Бұл құрылғы ғылыми зерттеулерде, ерекше қорғалатын табиғи аумақтарда биоалуантүрлілікті сақтау және сирек кездесетін түрлерді анықтау мақсатында кеңінен қолданылады. Үстірт мемлекеттік табиғи қорығында фототұзақ орнатудың басты мақсаты – қорық аумағында кездесетін аң-құстарды, соның ішінде Қазақстанның Қызыл кітабына енген сирек түрлерін тіркеу және олардың табиғи тіршілігін ғылыми тұрғыдан бақылау. Әрбір түсірілген кадр – табиғаттың құпиясын ашатын құнды дерек. Бұл деректер биоалуантүрлілікті қорғауға, экожүйені сақтауға және болашақ ұрпаққа табиғаттың байлығын жеткізуге қызмет етеді.
Аға ғылыми қызметкер А.Пулатов
