Қарақұйрық (Gazella subgutturosa) көбіне мамыр–маусым айларында төлдейді. Аналығы бір немесе екі лақ туады. Төлдің салмағы 2,5–3 кг шамасында, жүні жер бедеріне ұқсас түсті болып келеді. Туғаннан кейін бірнеше сағат ішінде жүріп кетуге қабілетті, алайда алғашқы күндері анасы оны құмды не бұталы жерге жасырып, өзі бөлек жайылып жүреді. Бұл – жыртқыштардан қорғанудың табиғи «жасырын стратегиясы». Бірнеше аптадан соң төл өсіп, жетіліп анасының соңынан ере бастайды.





