Қорықтың қорғау жұмыстары

Табиғат – адамзатқа берілген баға жетпес байлық. Оны қорғау – әр адамның міндеті. Осы мақсатта елімізде қорықтар мен табиғи аумақтар құрылып, сирек кездесетін жануарлар мен өсімдіктерді сақтауға ерекше көңіл бөлінуде.Қорық қызметкерлерінің негізгі міндеті – табиғи ортаны қорғау, жануарлар мен өсімдіктердің қауіпсіздігін қамтамасыз ету. Олар қорық аумағын үнемі бақылап, заңсыз аң аулау, өсімдіктерді бүлдіру, өрт шығару сияқты табиғатқа зиян келтіретін әрекеттердің алдын алады.Қорықтағы мамандар жануарлардың санын бақылап, олардың тіршілігін зерттейді. Әсіресе Қызыл кітапқа енген сирек кездесетін түрлерді қорғау жұмыстарына үлкен мән беріледі. Сонымен қатар қорық аумағында тазалық сақтау, табиғи ресурстарды тиімді пайдалану және экологиялық тәрбие жұмыстарын жүргізу де маңызды.Табиғатты қорғау тек қорық қызметкерлерінің жұмысы емес. Әрбір азамат қоршаған ортаға жауапкершілікпен қарап, қоқыс тастамауы, жануарларға зиян келтірмеуі және өсімдіктерді аяусыз жұлмауы керек. Табиғатты бүгін қорғасақ, оның байлығын болашақ ұрпақ та көре алады.Қорық – табиғаттың сенімді қорғаны. Ал табиғатты қорғау – баршамызға ортақ міндет! Табиғи кешендер мен нысандарды қорғау бөлімінің басшысы Б.Қожашев

---