Майда қатыран
Катран беззубый
Crambe edentula
Семейство - Brassicaceae – Капустные
Сирек кездесетін, таралуы шектеулі түр. Тұран провинциясының эндемигі, реликт түр. Биіктігі 40-60 см, көп жылдық өсімдік. Бір, сирегірек бірнеше сабағы болады. Төменгі жапырақтары жүрек тәрізді сопақша, ұзындығы 4-12 см, жоғарғы жапырақтары - таспалыбіз тәрізді, ұзындығы 1 см-дей, майда. Гүлшоғыры біріккен қосарлы шашақ, сирек жағдайда бұтақтанған, бұтақшалары ұзарған болады, күлтелері сопақша, ұзындығы 5-7 мм, ақ түсті.
Бұршаққыны екі мүшелі: жоғарғысы домалақсопақша, ұзындығы 2 мм-дей, тегіс, сұрғылт көк түсті, төменгі жапырақтары – цилиндрлі, жоғарғысынан қысқа. Тұқым арқылы көбейеді. Сәуір-мамыр айларында гүлдеп, мамыр-маусымда жеміс береді.
Үстірт, Маңғыстау, Қызылқұмда (борлы, әкті және сазды керіштерде), тау беткейлерінде кездеседі. Негізінен өсімдік жабыны жоқ жерлерде дарадан өседі. Барлық жерлерде кездесуі сирек.
