Соғды қызғалдағы
Лалагүлдер тұқымдасы
Тюльпан согдийский
Семейство Liliaceae Hall. - Лилейные
Tulipa Sogdiana Bunge
Liliaceae Hall
Статус. 5 (Со), Үстіртпен Маңғышлақтағы сирек түр.
Көпжылдық, биіктігі 10-25 см. Пиязшық жұмыртқатәрізді, қалыңдығы 1,5 см-ге дейін, қара-қоңыр, мықты, ішкі жағындағы жүнтәрізді жұқа қабығымен. Сабақтар жалаңаш. Жапырақ саны 2, сирек 3, азды-көпті арасы алшақ, қайқиған, кейде арасы сәл ғана ашық орналасады, жалаңаш, ланцетті-таспалы, ені 4-10 мм., төменгісі барынша кең, гүлден озбайды. Гүл 1, сирек 2. Гүлсерігінің бөліктері ақ, әзер байқалатын күлгін бояуымен, түп жағы сары, ұзындығы 15-25 мм-ге дейін, сыртқылары созыңқы, сырт жағынан күңгірттеу-күлгін, ішкісінен екі есе дерлік жіңішке, ішкілері жұмыртқатәрізді. Аталықтар, күлтеден 2,5 есе қыска. Жеміс - қорапша, ені 1 см., ұзындығы 1,5 см., қысқа тұмсықшасымен.
Құмдардың көктемгі эфемероиды, сирек сазды шөлдердің эфемероиды. Сәуір-наурызда гүлдейді.
Фото авторы: Ж.Э.Нурмухамбетов
