Сыбырлақ аққу
Лебедь-шипун
Cygnus olor
Сыбырлақ аққу – қазтәрізділер отрядының үйрек тұқымдасына жататын құс. Қазақстанның жазық аймақтарындағы су айдындарында кездеседі. Ұзындығы 180 см, қанатын жайғанда 240 см болады. Құйрығының ұзындығы 18 см, салмағы 8-13 кг. Қауырсыны аппақ, балапанында сұр түсті болады. Мойны жіңішке, қызыл түсті тұмсығында қара бұдыр анық көрінеді. Аяғы көбінесе қара түсті. Ұшқан кезде дыбыс шығармайды, мазасызданған кезде кейде сыбырлағандай болады, құстың аты осы қасиетіне қарай қойылған. Көктемде ұшып келіп, ұясына 5-8 жұмыртқа салып, бір айдай басады. Қазан айының соңында жылы жаққа ұщып кетеді. Негізінен су астындағы өсімдіктермен, ішінара омыртқасыздармен де қоректенеді. Өте сымбатты жыл құсы.
Фото авторы Ж.Э.Нурмухамбетов.
