Төртжолақты қарашұбар жылан – шектеулі территорияда аз кездеседі. Қазақстан фаунасындағы туыстың екі түрінің бірі. Үстірт қорығы мен Кендірлі-Қаясан табиғи қорықтарында қорғауға алынған. Маңғыстау мен Үстіртте ақтас тақтайшалары сынықтарының арасында, адамдар салған құрылыстарданда кездестіруге болады. Үстіртте мекендеу тығыздығы 1 гектарда 2 данаға жетеді. Сәуірден қазанға дейін белсенді. Маусымда 6-16 жұмыртқа салады. Ұрпағына қамқорлық жасайды - жұмыртқаларын денесімен қоршап алып, оларды жауларынан қорғайды.
