Сондай-ақ тұрғындардың өрт қауіпсіздігі талаптары бойынша хабардарлығын арттыру мақсатында Үстірт мемлекеттік табиғи қорығының қызметкерлері және Маңғыстау облыстық орман шаруашылығы және жануарлар дүниесі аумақтық инспекциясының қатысуымен телеарнаға арнайы репортаж түсірілді.
Репортаж барысында орман өрттерінің алдын алу бойынша жүргізіліп жатқан профилактикалық іс-шаралар, өрт сөндіру бөлімшелерінің дайындығы, заманауи өрт сөндіру техникасы мен құрал-жабдықтарының қолданылуы, сондай-ақ өртті сөндіру кезінде пайдаланылатын арнайы техникалардың мүмкіндіктері кеңінен таныстырылды. Репортаждың мақсаты – қоғамның назарын орман өрттерінің алдын алу мәселесіне аударып, табиғатты қорғау ісіне тұрғындардың жауапкершілігін арттыру және өрт қауіпсіздігі мәдениетін қалыптастыру.
