ШАҒЫЛ МЫСЫҒЫ (Felis margarita)
Жыртқыштар отряды
Мысықтар тұқымдасы
Аравия мен Синай түбектерінде, Сахараның солтүстігінде, Пәкістанда, Орта Азия мен Қазақстанда мекендейді. Қазақстанда шағыл мысығының таралу аймағы оңтүстік типті құмды шөлдерді алып жатыр. Жоталы әрі адырлы, негізінен, әртүрлі типті құмдарды мекендеуші; барлық учаскелерді осындай биотоптарында кездеседі.
Оны үстірттің тік жарларынан, сазды, известі тасты әрі құмды тілімделген терең шатқалдардан да бақылаған. Отырықшы және түнде тіршілік етеді. Майда кеміргіштермен (құмтышқандары, қосаяқтар, тараққұйрық) қоректенеді, сирек рептилияларды, құстар мен буынаяқтыларды жейді. Құм адырларының етектерінен өздері қазған індерде, кейде түлкі, қарсақ және жайраның ескі індерінде қоныстанады. Мауығуы – ақпан – наурызда. Буаздық мерзімі 60 күн. 2-5, жиі 3 мысықтан туады.
