Үстірт мемлекеттік табиғи қорығының құрылғанына 40 жыл!

Үстірт мемлекеттік табиғи қорығының құрылғанына 40 жыл! Үстірт мемлекеттік табиғи қорығы 1984 жылдың 12 шілдесінде Қазақ ССР Министрлер Кеңесінің № 294 қаулысымен ұйымдастырылған. Үстірт мемлекеттік табиғи қорығын құрудың мақсаты – табиғи экожүйелердегі процестердің табиғи барысын сақтау. Оңтүстік-батыс шөлді аймақтарына тән тірі ағзалардың генетикалық қорын сақтау және қалпына келтіру. Қорық аумағында сүтқоректілердің 33 түрі (8 түрі ҚР Қызыл кітабына енген), құстардың 174 түрі (21 түрі ҚР Қызыл кітабына енген), өсімдіктердің 403 түрі (5 түрі ҚР Қызыл кітабына енген), бауырымен жорғалаушылардың 15 түрі (1 түрі ҚР Қызыл кітабына енген), қосмекенділердің 1 түрі бар. Осы 40 жыл ішінде Үстірт қорығы жануарлардың көптеген түрлерінің, соның ішінде Қазақстан Республикасының Қызыл кітабына енгізілген жануарлардың мекеніне айналды. Қорықтың мақтанышы – Үстірт эндемигі – Үстірт уриалы Қорық ұжымы өз жұмыстары арқылы табиғи кешендер мен Үстірттің бірегей шөлді экожүйесін сақтауға өз үлесін қосуда!